Xunta e Pymar colaboran para posicionar a candidatura galega no reparto dos fondos europeos ao Perte Naval

Mércores, 28 Decembro 2022 16:20
  • Conde explica que o que se fai é activar unha xanela única que permitirá a comunicación directa coas empresas á hora de xestionar as iniciativas que se vaian presentando desde Galicia para optar a estas axudas.
  • Lembra que Galicia xa deixou constancia en máis dunha ocasión de que a asignación orzamentaria para este Perte non é suficiente parta os retos que afronta o sector.

O vicepresidente primeiro e conselleiro de Economía, Industria e Innovación, Francisco Conde, presentou hoxe a iniciativa Conecta Naval, que a Xunta de Galicia pon en marcha en colaboración con Pymar para posicionar a candidatura galega no reparto dos fondos europeos ao Perte do sector.

Acompañado pola conselleira delegada de Pymar, Almudena López del Pozo, Conde explicou que o que se fai é activar unha xanela única que permitirá a comunicación directa coas empresas á hora de xestionar as iniciativas que se vaian presentando desde Galicia para optar a estas axudas. Para iso, ponse á súa disposición un enderezo de mail: Este enderezo de correo está a ser protexido dos robots de correo lixo. Precisa activar o JavaScript para velo.. Trátase, dixo, de que toda a cadea de valor do naval galego traballe en rede e de forma conectada co apoio da Xunta, a través do Igape, e de Pymar.
 

O obxectivo, subliñou, é que Galicia, como comunidade autónoma con máis empresas neste sector —preto de 300 en todos os segmentos de actividade— teña neste Perte un papel significativo e o protagonismo que lle corresponde no reparto dos fondos.

O vicepresidente económico asegurou que o sector naval de Galicia leva tempo traballando en proxectos que poñen de manifesto a súa aposta pola diversificación e o desenvolvemento sustentable, tecnolóxico e dixital. Tamén o puxo como exemplo da transformación que se está dando na cadea de valor industrial do naval cara ás enerxías renovables mariñas; e da aposta pola formación e o emprego cualificado. Polo tanto, os fondos europeos teñen que ser o impulso definitivo a todo este esforzo, enfatizou.
 

Con todo, Conde lembrou que Galicia xa deixou constancia en máis dunha ocasión de que a asignación orzamentaria para este Perte non é suficiente porque é a menor de todos os convocados ata o de agora. A convocatoria do Perte Naval acaba de ser publicada o pasado 23 de decembro logo de máis de nove meses de espera desde que o Goberno o aprobou no Consello de Ministros do pasado 15 de marzo. O prazo de presentación de solicitudes estará aberto desde o vindeiro 18 de xaneiro ata o 28 de febreiro.

  • A Xunta avoga pola cooperación para impulsar un ecosistema que mesture talento e innovación para mellorar a competitividade do tecido empresarial
    Ler máis
  • Rueda anuncia que a Xunta declara iniciativa empresarial prioritaria a planta de inxectables que Indukern poñerá en marcha en Monforte de Lemos
    Ler máis
  • A Xunta destaca en Ponte Caldelas a aposta por novos modelos produtivos baseados na economía circular
    Ler máis